Nanup suliai allat

Oqalugiarnerit

Nanup suliagut Kalaallit Nunaannilu meeqqat atugaat pillugit oqalugiariartortarpoq. Paasissutissanik pisariaqartitsigussi, attavigisigut internetikkut nittartakkatsinni attavissamut allassimasoq atorlugu.

Aallartitsiniarluni atortussat

Nanu

Aappariit inuusuttut meerartaarnissaannut, anaanata ataatalluunniit kisimiittut kiisalu ilaqutariit pissakilliortut meerartaarniartillugit atortussaannut pisiutissanik ingerlaavartumik aningaasassarsiortarpugut. Kommunit peqqissaanermillu siammarsaasut ikiorserneqartussat innersuuttarpaat attaveqaataasarlutillu. Nanu Baby Samimik Nuummiittumi pitsaasumik akikillisaaffigineqarnissamik isuqatigiissuteqarpoq.

Ikiorfartuutissatut atortussanut aallarniutissanut atugassanik suliffeqarfinnut akulikitsumik qinnuteqaatinik nassitsisarpugut.

Ilaqutariinnut ajornartorsiortunut ikiorsiigasuarneq

Ilaqutariit amerliartuinnartut piaartumik ikiorserneqarnissartik pillugu attavigisarpaatigut. Pisariaqartitsineq assigiinneq ajorpoq, ilaat piumassuserinngisaminnik angerlarsimaffeerusimasarput, allat inissisimanertik artornartoq aningorniarlugu kommunimi attavissaq eqqortoq attavigineq ajulersimasarpaat, allat tassaasarput anaanat ataatalluunniit kisimiittut ulluinnarni ikorfartorneqarnissaminnik amigaateqartut. Allat meeqqatik ukiorsiutisinissaannut il.il. akissaqannginnertik pissutigalugu saaffiginnittarput.

Saaffiginnissutit tamaasa pimooruttarpagut qanorlu ikiorsiisinnaanerluta misissortarlugu, inuit ajornartorsiortut ikiorserasuarnissaat ingerlaqqinnissaallu siunertaralugit.

Nuummi Qimarnguik

Nanu Nuummi Qimarnguimmut Grethe Siegstad, qimarnguimmi pisortaq, qimarnguimmi ineqartut ikorfartorneqarnissaat pillugu pitsaasumik atassuteqarfigaa. Attaveqarneq ilaatigut ataannartuusarpoq ilaqutariillu meerartallit qimarnguimmiikkunnaareeraluartut sivisuumik attaveqarfigisarpagut. Ikorfartuinermi ilaatigut tassaasarpoq, ikorfartuineq ilaqutariit angerlarsimaffimminni misigisimanngisaat imaluunniit arlaannaanniluunniit inuunerminni ilinniarsimanngisaat. Taamaattumik suleqatigiinneq tamanut pingaaruteqarpoq.

Inuit Pisinnaatitaaffii pillugit Siunnersuisoqatigiit

Nanu  Inuit Pisinnaatitaaffii pillugit Siunnersuisoqatigiinni, Kalaallit Nunaanni 2013-imi ukiakkut pilersinneqartumi ilaasortaavoq.

Suleqatigiinnissamik isumaqatigiissutit

Nanup Kommune Kujalleq, Kalaallit Nunaanni Brugseni, Air Greenland kiisalu Inuit:IT suleqatigiinnissamut isumaqatigiissuteqarfigivai.

 

NANU Danmarkimi

Inuit ikittunnguit piumassusertik tunngavigalugu Nanup suliaanik Danmarkimi ingerlatsipput, taakkua juullilernerani niuffatsitsisarput, Tivolimi Nanup saaffiginnittarfianiittarput, atisanik pinngussanillu katersuiniartarput kiisalu Nanup suliaanik Danmarkimi ingerlatitseqqittarlutik. Tamanna sunniutilerujussuuvoq, Nanu DK-lu ukiut ingerlanerini Kalaallit Nunaanni meeqqat atugaat pitsanngorsarniarlugit aningaasanik atugassarpassuarnik katersisimallutik.