da-DKkl-GL
Meeqqat juulliat

2008-iilli Nanu juullit tamaasa nunatsinni illoqarfinni arlalinni juullimut katerisimaarnernik aaqqissuisarpoq. Nuummi katersortarfimmi ulluni 23., 24. Aamma 25. December juullimut katerisimaarnermik aaqqissuussisoqartarpoq. Kaageeraliortoqartarpoq, igasoqartarpoq pinnersaasoqartarlunilu kiisalu meeqqat pinnguaqatigineqartarlutik.


Kommuni ilaqutariinnut ikiorsiissutisisartunut tamanut kiisalu Sana qimarnguillu Nuummiittoq qaaqqusissummik nassitsisarpoq.


Illoqarfiit sinerissamiittut ilaanni juullimut aaqqissuussisoqartarpoq imaluunnit tunissutinik kiisalu juullip kurvianik agguaasoqartarluni. Nalunaarnerit tamarmik peqqinnissamik siammarsaasoq aqqutigalugu pisarput, taassumalu nalunaartut allattorsimaffiat ukiut tamaasa decemberip aallartilaarnerani nassiuttarpaa.


Meeqqat tamarmik nuannersumik ilaquttatillu juullisioqatigiinnissaat pingaaruteqarpoq. Kalaallit Nunaanni ilaqutariit meerartallit tamarmik inuttut nukissamik isumalluuteqaratillu aningaasaqarnikkut juullisiorsinnaaneq ajorput meeqqaminnut tunngatillugu. Misilittakkagut naapertorlugit ilaqutariit meeqqat juulliannut atatillugu ikiorsiissutinik pisarnertik pissutigalugu, meerartatik juullisioqatigisinnaalersaraat. Juullip kurviani juullikkunni nerisassat tamarmik piupput kiisalu mamakujuit kiisalu tunissutissat meeqqamut nalunaarunneqarsimasumut atertalernikut. Tunissutissaq soorunami juullip inuaneersuuvoq.


Julli nalunaarsimasunut tamanut naatsorsuussaavoq akeqaranilu. Juulli ukiut tamaasa suliffeqarfinnit illoqarfinniittunit kiisalu Bikubenfondimit aningaasaliiffigineqartarpoq, aningaasaliissutillu ukiut tamaasa 50.000 kruuniusarput, nuna tamakkerlugu atorneqartussat. Nuummi ukiut tamaasa Ray Fine Enterprisesimit 15.000 kruuninik pissarsisarput kiisalu 25.000 kruuninik Helene & Svend Jungep Aningaasaateqarfianit. Taakkua saniatigut Rotary & Round tablemik meeqqat juulliannut ukiut tamaasa tapiissuteqartarpoq.


Suliniummut nalunaartartut ukiut tamaasa amerliartormata, aningaasaliisinnaasunik amerlanernik pissarsiorpugut. Meeqqat juulliannik aningaasanik taperseerusukkuit/-kussi attavigikutsoorniaritigut.