da-DKkl-GL
Meqqat illuat Neriusaaq

Meeqqat illuat Neriusaaq 16/4 2011 ammarpoq sulilu ingerlalluni. Illu Bikuben Fondenimit, Nuna Fondenimit 2010-milu nuna tamakkerlugu katersuiniarnermit inunnit suliffeqarfinnillu tunissutinit tapersorneqarpoq. Taakkua saniatigut Danmarkimi Soroptimistklubbinit aningaasaliisoqartarpoq. KNB tassaavoq Kalaallit Nunaanni Brugsenit, taakkua sapaatip akunneri tamaasa 3.000,- kruunit meeqqat illuannut nerisassarsiutissatut tunniuttarpat. Taakku aningaasat tapersersuutitut tunniunneqartartuunngippata illu ingerlasinnaassanngikkaluarpoq. Qujanarujussuaq!

 

Kalaallit Nunaata Kujataani Qaqortumi Meeqqat Illuat Tasiusaq tassaavoq meeqqanut inuusuttuaqqanullu sisamaniit 14-inut ukiulinnut ornittagaq.

Suliniut meeqqanut inuusuttuaqqanullu atuareernerup kingorna imalimmik sammisassaminnik amigaateqartunut aamma/imaluunniit toqqissisimaffiusinnaasumik amigaatilinnut neqeroorutaavoq. Taassuma saniatigut kissaatigineqartoq tassaasove meeqqat inuusuttuaqqallu akornanni pitsaasumik maligassaqarnissamik pilersitsinissaq. Neqeroorulli aamma ilaqutariinnut saaffiginnittuuvoq, taamaasillunilu aamma ilaqutariinnik atassuteqarfigiiffiunissaminut ilaqutariinnillu allanik attaveqarfiunissaminut periarfissaalluni. Suliniutip aamma neqeroorutigaa meeqqat ilaqutariillu sammisaqarnissaminnut ataatsimooqatigiinnissaminnut qilanaaruteqarnissaat.

 

Siunertaq tassaavoq meeqqani nalilittut misiginerup siuarsarnissaa. Takutillugu, ilaqutariittut nammineerluni imminut paarilluarsinnaaneq. Inooqataaneq isumaqartoq aammalu inunnut ataatsimoortunut peqataaneq, ”ataqatigiinniarluni” inuit imminnut akisussaaffigeqatigiinnerat. Siunertat taakku meeqqallu inuulluataarnissaat anguniarlugit suliniutinik aallartitsisoqassaaq, ataatsimullu isigalugu meeqqat inuunerannik pitsanngorsaanissaq anguniarlugu nammineerlutik siunissami inuuneqalernissaminnik pilersitsinissaat. Taassuma saniatigut pingaaruteqarpoq, meeqqat anniaatiminnik oqaasertaliisinnaanissaat, naak angajoqqaatik allalluunniit unnerluutiginnikkaluarlugit. Kommunip ilaqutarinnut sulissiviani sulisut qanimut suleqatigineqarput, tamatormarpiaap sammineqarnissaa siunertaralugu.

 

Misissuinerit amerlasuut takutippaat Kalaallit Nunaanni meerarpassuit amerlavallaartut mikinerminniit aammalu meeraanerminni sumiginnangaavallaartartut, tamannalu maanna inuunerminni attatiinnaraat. Inuttut atugarisatigut kingornussat kipitinnissaat ilinniarsimanngilaat. (Paasissutissanik aallerfiit: Meeqqat inuunerat pillugu misissuineq, politiit kisitsisaataat, qimarnguiit kisitsisaataat).

 

Nanup meeqqat illui pilersippai meeqqat inuunerannik ineriartornerannillu inuttut naleqassutsimik suliniutinik ingerlatsiffiusut. Meeqqat illui tassaassapput meeqqat iluminni ineriartornissaannut tunngavissiisussat. Isumaqarpugut pingaaruteqartuusoq, tunngaviup taassumaqqissaap angajoqqaat meeqqallu illup neqeroorutaanik atuisut pitsaasumik isigineqarnissaat, soorluttaaq aamma inuiaqatigiinni nukiit kajumitsilerusukkigut nukiit akulerutsinniarlugit, maannakkut sunniutit taakkua takusinnaalerimagatsigit ornittakkani maannakut pilersereersimasatsinni piusuni.

 

Illuni taamaasilluni meeqqat inuusuttuaqqallu naleqassutsimikkut nukittorsarnissaa qitiutinneqarpoq. Inuttut naleqassuseq inuunerup ingerlanerani meeqqamut pitsaasunik peqqissumillu toqqaasanernissaanut sunniuteqarsinnaasoq, ilisimallugu killiliisarneq suunersoq aammalu killissaq qaangerneqarpat naaggaarneq suunersoq. Inuttut naleqassuseq meeqqamut periarfisanik, ilinniagaqarnissamik ineriartornissamillu inersimasutut inuunerissaanermik toqqissisimasumik pilersitsisoq.

 

Misissuinerit annertuut pitsaasullu Kalaallit Nunaanni meeqqanik inuusuttunillu innarliinermik sumiginnaanermillu ingerlanneqartarsimapput. Ajornartorsiutit tassaapput persuttaasarneq, atornerluineq, inuusuttuaqqat naartusarnerat il. il. Persuttaasartut atornerluisartullu tassaakkajuttarput inersimasut meeqqamik illersuisussat – angajoqqaat imaluunniit inuk qanigisaq meeqqallu tamatigungajak ilisimaneq ajorpaa qaqugukkut kukkusumik iliorfigineqartarnerluni.

 

Sumiginnaaneq aamma piitsuussuseq/inuussutissaqarneq tassaapput meeqqat illuini Nanup sammisassanngorlugit eqquterusutai marluk. Taamaasiornerlu pitsaanerpaamik ingerlassinnaasutut isigaarput periarfissanik pitsaasunik allamillu peqqissumik ineriartornermik ullumikkumut piusunut naleqqiullugu pitsaasunik peqqinnartunillu neqerooruteqarnikkut. Ulluinnarni toqqaanissaminnut periarfissaqassapput, taamaasillutillu toqqaanissaq ilinniarlugu.

 

Anguniagaq pingaarneq tassaavoq meeqqat inersimasullu meeqqanik kinguaassiutitigut innarliinnginnissamik imaluunniit persuttaannginnissamik allatulluunniit sumiginnaannginnissamik qulakkeerinissaq kiisalu illup/kommunip neqeroorutai aqqutigalugit meeqqat iliuuseqarnissamut qaammaasaqalersinnissaat periarfissiuussinissaq.

Meeqqat kulturikkut illuat meeqqat inersimasullu iliuuseqartarneri nutaat pilersissinnaavai illuni sammineqartut aqqutigalugit.

Naleqartutut misigineq siunissarlu allaanerusoq pitsaanerusorlu meeqqat imminnut ilisimaarinerullutik, pisiginnaatitaaffimminnik avatangiisiminnillu ilisimasaqarnerullutik pilersinneqassaaq.

 

Illup atuunnera ingerlaavartumik nalilersorneqartassaaq. Ullut tamaasa elektroniskimik nalunaarsuisoqartassaaq, taannalu meeqqat inussuttuaqqallu illumik atuisut pillugit paasissutissanik katersuiffiussaaq, kiisalu meeqqat inuusuttuaqqallu ineriartornerannik uuttortaataassalluni. Pingaaruteqartoq tassaavoq meeqqat inuusuttuaqqallu takkuteqaartalernerminnut naleqqiullutik allannguuteqarsimanersut. Nanup illuutaani Qaqortumiittumi takusimavarput, meeqqat ilaannut toqqissisimaarfigisinnaasaminnik ornitassaqarneq allannguisorujussuusoq. Tamanna pissusilersuutaanni, ineriartorneranni kiisalu atuarfimmut soqutiginninneranni takuneqarsinnaavoq. Inuunermik allanngortitsinissamut kiisalu pissutsinik angerlarsimaffimminnit nassataminnik kipititsisinnaanersut peqqinnartunik toqqaanermikut, soorlu ilinniagaqarnerup tungaatigut kiisalu iluaqutaanngitsunut naaggaarsinnaalersinnaanissaat aatsaat ukiut tallimat qulillu akornanni qaangiuppata takuneqarsinnaalissaaq. Ersarissut uuttortartarpagut ingerlaavartumillu malitseqartittarlugit. Suliniutit iliuuserisallu tamarmik nalilersorneqartussaaput kingornatigullu pisariaqarfiisigut nalimmassarneqartartussaallutik.

 

Nanu Kalaallit Nunaanni illoqarfinni meeqqat illuinik pilersitsiniarluni suli aningaasassarsiorpoq.