da-DKkl-GL
Nanup malittarisassai

Meeqqat inuusuttullu pillugit suliniaqatigiiffiup NANUp malittarisassai

 

Nanu Kalaallit Nunaat tamakkerlugu meeqqat, inuusuttut taakkualu ilaqutaat suliniuteqarfigai.

 

Imarisai:

 

1. Atia angerlarsimaffialu

2. Siunertaq & Aningaasaqarneq

3. Aaqqissuussaaneq

4. Aggeqqusisarneq il.il.

5. Siulersuisunik qinersineq

6. Siulersuisut akisussaaffiat suliassaallu

7. Isumaqatigiissuteqarneq aamma akisussaaffeqarneq

8. Malittarisassat allanngortinnerat

 

 

 

§ 1. Atia angerlarsimaffialu:

 

 

1. Suliniaqatigiiffiup ateraa Nanu

2. Nanu Kommuneqarfik Sermersuumi najugaqarpoq (Nuummi)

3. Meeqqanut Inuusuttunullu Suliniaqatigiiffik imminut pigisuuvoq

4. Suliniaqatigiiffik Michael aamma Kristine Winbergimi ulloq 22. april 2008 pilersinneqarpoq

 

 

§ 2. Siunertaq

 

Nanu suliniaqatigiiffiuvoq politikkikkut/upperisaqarnikkut pituttorsimanngitsoq Kalaallit Nunaanni meeqqat, inuusuttut taakkualu angajoqqaavisa atugaannik suliaqarnissamik siunertaqartoq.

 

Suliffeqarfiit kommunillu Kalaallit Nunaanniittut Kalaallit Nunaatalu avataaniittut siunertamut tapersersuerusuttut kiisalu nammineq kajumissuseqarneq tunngavigalugu sulerusuttut suleqatigineqartarput.

 

Nanu suliniutit sammisallu pioreersut aqqutigalugit suliffeqarfiit, paaqqinnittarfiit, inuit naliginnaasut meeqqat inuusuttullu Kalaallit Nunaanniittut inooqataanermi annertunerusumik akisussaassuseqartumillu sullinneqarnissaat tapersorlugit suliniutigissavai. Kiisalu ilaqutariit, meeqqat inuusuttullu nukittorsarniarlugit suliniutinik aallartitsisarneq. Nanup imminut naleqartutut kiisalu tamanna aqqutigalugu inunnut ataasiakkaanut annertunerusunik qinigassaqarnissap annertusarnissaa sulissutigaa.

 

Nanup siunertaminut atatillugu ukunannga suliaqarsinnaavoq:

* Allat inuuniarnikkut suliniutinik ingerlataqartut imaluunniit peqatigiiffiit siunertamut naapertuuttumik siunertaqartut tapersersornissaat

* Pisortat iliuuseqarneranni ikorfartuineq

* Suliami siunertarineqartumik nunatsinni nunanilu tamalaani sulinermi peqataaneq suleqataanerlu

 

2.1. Nanup makkuninnga iliuuseqarluni siunertani anguniartarpaar (b. l. a):

 

A ) Suliffeqarfiit Nanumik tapersersuillutik isumaqatigiissuteqarfiginerisigut

B) Aaqqissuussinerit Nanup atia atorlugu ingerlanneqartarnerat

C) Meeqqanut inuusuttunullu suliniutinik nuannaarutaasunik iluaqutaasunillu aallarnisaaneq

D) Sammisaqarnerit Nanup suliaanut/siunertaanut iluaqutaasinnaasut aaqqissuunneqarneranni peqataaneq

E) Namminersorlutik Oqartussanik nunarpullu tamakkerlugu kommuninik suleqateqarneq

F) Kattuffiit (atornerluinermik katsorsaanermik suliaqartut/kattuffiit ilaqutaasunik sammisaqartut aamma kattuffiit suliamut attuumassuteqartumik suliaqartut

G) Kattuffinnik allanik politikkikkut pituttorsimanngitsunik suleqateqarneq

H) Ornittakkanik, meeqqamik annertunerusumik naleqartutut misigititsilersinnaasunik kiisalu suliniutit aalajangersimasut aqqutigalugit inuunermik pitsanngorsaataasinnaasunik nuannaarnerulersitsisinnaasunillu nuna tamakkerlugu pilersitsineq. Ornittakkat suliniutit aqqutigalugit meeqqanik inuusuttunillu peqqinnartunik sammisassaqartitsinissamut pitsaasunillu toqqagaqarnissamut ikiuutaassapput. Soorlu assersuutiglugu ilinniagaqalernissamik il.il. toqqaanikkut.

 

 

2.2. Aningaasaqarnikkut toqqammavissaq imatut pilersinniarneqassaaq:

 

1. Aningaasassarsiornikkut.

2. Katersuiniarnerit assigiinngitsut.

3. Inuit nammineerlutik tapiissutaat.

4. Pisortanit tapiissutit.

5. Suliffeqarfinnik nunatsinniittunik nunattalu avataaniittunik suleqatigiinnissamik isumaqatigiissuteqarnikkut.

 

§ 3: Aaqqissuussaaneq

 

 

3.1.

Nanu Kalaallit Nunaanni Danmarkimilu kajumissuseq tunngavigalugu sulisoqarpoq, taakkununnga ilaapput allattoqarfinngortussami aalajangersimasumik atorfeqartussat kiisalu siulersuisut. Taakkua saniatigut aaqqissuussaanermut ilaapput suliffeqarfiit isumaqatigiissusiorfigisimasat tunissuteqartullu assigiinngitsut.

 

3.2.

Siulersuisunut ilaasortat kiisalu kajumissusertik tunngavigalugu (ilaasortat) Nanumi ataatsimeersuarnermi siulersuisunut ilaasortat qinertassavaat. Siulersuisut ukiut marlukkaarlugit siulersuisuniittassapput.

 

3.3. Siulersuisut maajip qaammataa naatinnagu ileqaauusumik ataatsimeersuartassapput, siulersuisunilu siulittaasoq/allattoqarfik tusagassiutit aqqutigalugit ataatsimeersuarnissaq ullunik 14-inik sioqqullugu nalunaaruteqassaaq. Siulersuisunut ilaasortanngorniarlutik sassartut ileqquusumik ataatsimeersuarnissaq ullunik pingasunik sioqqullugu sassarnertik nalunaarutigissavaat.

Ataatsimeersuarnermi minnerpaamik makku oqaluuserineqassapput:

 

* Aqutsisussamik qinersineq

* Siulittaasup nalunaarutaa

* Ukiumi qaangiuttumi naatsorsuutit siulersuisunit akuerineqarsimasut saqqummiunneqarnerat.

* Nanup ukiumut tulliuttumut suliniutissai pillugit allaffimmi pisortap/allattuunerup nalunaarutaa

* Ilaasortanit siunnersuutit eqqartorneqarnerat

* Siulersuisuni ilaasortassani qinersineq (ukiuni marlunni atuuttussat), (taakkua kingusinnerusukkut ataatsimiinnermi inissitsisissapput)

* Siulersuisunut sinniisussanik marlunnik qinersinq

* Naalagaaffimmit akuerisaasumik kukkunersiuisussamik qinersineq

* Tamalaat

 

 § 4: Aggeqqusineq il.il.

 

 

1.

Siulersuisuni siulittaasoq ileqquusumik ataatsimeersuarnissaq ullunik 14-inik sioqqullugu ataatsimeersuariaqqusissaaq ullormullu oqaluuserisassaagallartunik qaaqqusissut imaqassaaq

 

2.

Siunnersuutit oqaluuseritinniakkat ataatsimeersuarneq ullunik pingasunik sioqqullugu siulersuisunut tunniunneqarsimassapput

 

3.

Immikkut ittumik ataatsimeersuarneq pisinnaavoq, siulersuisuni amerlanerussuteqartut pisariaqarnera kissaatigippassuk.

Immikkut ittumik ataatsimeersuarneq kingusinnerpaamik piumasaqaateqarnermit qaammat ataaseq qaangiutsinnagu ingerlanneqassaaq.

 

 

§ 5: Siulersuisunik qinersineq

 

 

1.

Nanup siuersuisui siulittaasumik, siulittaasup tullianik kiisalu siulersuisunut ilaasortanik 3-5-inik inuttaqarput.

 

2.

Siulittaasup tullia siulersuisunit qinerneqassaaq.

 

3.

Siulersuisut ataatsimeersuarnerup kinguninngua piaarnerpaamik inissitsisissapput.

4.

Siulersuisut ukiuni marlunni atasussatut qinerneqassapput.

 

5.

Siulittaasoq siulittaassuuffini naanngitsoq soraarpat, siulittaasup tullia siulittaasunngussaaq. Tamanna pissaaq siulersusut ataatsimiinneranni siullermi. Tamatuma kingorna siulittaasup tullia nutaaq qinerneqassaaq.

 

6.

Siulersuisunut qinigassanngortittut ataatsimeersuarnissaq sapaatip akunneranik ataatsimik sioqqullugu qinigassanngortinnertik nalunaarutigissavaat. Siulersuisunut qinigassanngortinneq ataatsimeersuarnissaq sapaatip akunneranik ataatsimik sioqqullugu allakkatigut siulersuisunut nalunaarutigineqassaaq.

 

7.

Ataatsimeersuarnermi taasinernut pappilissat allattuiffissat agguaanneqassapput, tamannalu allattariarsornikkut pissaaq. Allakkatigut qinersisoqarsinnaavoq. Allakkatigut qinersinerit ataatsimeersuarneq aallartitsinnagu tunniunneqarsimassaspput.

 

8.

Ataatsimeersuarnermi peqataasut marluk taasinernik kisitsisisussatut toqqarneqassapput, allattoqarfik pilersinneqarsimaleriarpat allattoqarfimmi sulisut taasinerit kisissavaat.

 

 

§ 6: Siulersuisut akisussaaffiat suliassaallu

 

 

1.

Siulersuisut Nanup ingerlanneqarneranut missingersuutit ukiut tamaasa akuersissutigisassavaat.

 

2.

Siulersuisut ataatsimeersuarnissamut ataatsimiinnissanullu allanut qaaqqusisassaput (siulersuisut minnerpaamik ukiumut pingasoriarlutik ataatsimiittassapput).

 

3.

Siulersuisut naatsorsuutit kukkunersiorneqarsimasut taakkualu akuersissutigineqarnissaat kiisalu ataatsimeersuarnermi saqqummiunneqarnissaat akisussaaffigaat.

 

4.

Siulersuisut Nanup ulluinnarni ingerlanneqarnissaa atuunnissaalu siunertaralugit allattoqarfimmik pilersitsinissaq sulissutigissavaat.

Siulersuisut tamatumunnga atatillugu allattoqarfiup pisortaanik/allattuunermik Nanup ulluinnarni ingerlanneqarneranut akisussaasuusussamik atorfinitsitsissapput. Allaffimmi pisortap/allattuunerup Nanup allattoqarfissaani malittarisassat Nanup siulersuisuinit pilersinneqarsimasut atorfinitsillugulu soraarsissavaa.

 

5.

Siulersuisut allaffimmi pisortaq/allattuuneq peqatigalugu Nanup aningaasaatai siunertaa iliuusissatullu pilersaarutaa naapertorlugit agguaatissavaat.

 

6.

Siulersuisut allaffimmi pisortaq/allattuuneq peqatigalugu sulisussatut atorfinitsitassanut sulinermi suliassat allattorsimaffiat suliarissavaat.

 

7.

Siulersuisut affai peqataatillugit siulersuisut aalajangiisinnaatitaapput, taakkununnga ilanngullugu minnerpaamik siulittaasup taassumalu peqannginnerani siulittaasup tulliata najuunneratigut.

 

8.

Amerlanerussuteqarnikkut aalajangigassat aalajangerneqassapput, taasissut naligiippata siulittaasup taasinera aalajangiisuussaaq.

 

9.

Siulersuisut sinneqartoorutit sumut atornissaat Nanullu aningaasaataasa sumut atornissaat aalajangissavaat, kisianni aningaasat Nanup siunertaa naapertorlugu atorneqassapput.

 

10.

Siulersuisut eqimattanik siunnersuisussanik Nanup suliniutitut tapersersugaannut atatillugu pilersitsissapput. Taakku tassaasinnaapput tapersersuilluni aningaasaliissutit aamma suleqatigisat.

 

10.

Siulersuisut naliliinerat naapertorlugu siulittaasup sinniisutut aningaasartuutaanut imaluunniit aningaasartuutaanut allanut aningaasanik tunniunneqartussanik aalajangersaasoqarsinnaavoq.

 

11.

Ukiup naatsorsuusiorfiusup ukiumi ataatsimi qaammatisiutit malissavai, tassa imaappoq, suliniaqatigiiffiup pilersinneqarneranit piffissaq naatsorsuusiorfik siulleq tassaavoq ulloq pilersinneqarfimmiit 31.12.2008 aallarnerfigalugu.

 

 

§ 7: Isumaqatigiissuteqarneq aamma akisussaaffeqarneq

 

 

1.

Siulersuisuni ilaasortat arlaannaalluunniit nammineq inuttut Nanup suliniutaanut pisussaaffeqanngilaq.

 

2.

Peqatigiiffik siulersuisunut ilaasortamit allattuuneq ilanngullugu imaluunniit siulersuisut tamarmiusut akisussaaffigaat.

 

3.

Siulersuisuni ilaasortat tamarmik akeqanngitsumik sulissapput suliaminnullu akissarsissanatik, kisianni siulersuisuni sulinermut atatillugu aningaasartuutit toqqaannartut Nanumit matuneqartassapput.

 

4.

Allattoqarfimmi pisortamik/allattuunermik allanillu allattoqarfimmi aalajangersimasunik atorfinitsitsinermi atorfillit aningaasarsiaqassapput. Aningaasarsiat ukiumoortut siulersuisunit aalajangersarneqassapput (suliniummut aningaasaliissutitigut aningaasassaqarpat).

5.

2001-mi naatsorsuuserisumik Nanup aningaasaqarneranik isumaginnittussamik atorfinitsitsisoqassaaq. Akiligassat tamarmik siunissami Nanup aningaasaqarnermut immikkoortortaani naatsorsuuserisoq aqqutigalugu akilerneqartassapput. Ulluinnarni ingerlatsineq aningaasaqarnerlu Nanup allattoqarfianit ingerlanneqassapput.

 

 § 8. Malittarisassat

 

 

 

Malittarisassat ukua siulersuisuni ilaasortat amerlaneqarnerisigut allanngortinneqarsinnaapput.